Puso (Heart)

Minsan noong nakaraang buwan, naghanap ako ng mga imahe sa Flickr at DeviantArt tungkol sa mga puso at isa sa mga imaheng nakapukaw ng aking atensyon ay ang litrato ng isang singsing na nakapatong sa isang aklat na may anino na hugis puso. Ninais ko ring gawin ang kaparehong imahe, at dahil ako rin ay sumali sa Project 365, ang litratong ito ay kinunan ko noong ika-21 ng Enero.

{Sometime last month, I did an image search on Flickr and DeviantArt for hearts, and one of the images that caught my interest was that of a ring on top of a book with a shadow forming into a heart. I wanted to create the same image and because I am also doing Project 365, I took this image on 21 January.}

Araw iyon ng wedding anniversary ng aking mga magulang. Kung maaalala niyo ang lahok ko para sa temang pilak, ito ang mga singsing na nagmula sa mga pilak na barya. Kinulit ko pa ang aking ina para ipahiram sa akin ang mga singsing upang kuhanan ng litrato. Sa ngayon kasi ang orihinal na singsing na isinuot ng aking ina ay nakatago na dahil hindi na iyon kasya sa kanya. Salamat sa mga mababait na ka-pamilya, kahit ano'ng kulit ko, todo suporta pa rin sila!

{It's my parents' wedding anniversary. If you could remember my entry for pilak, these were the rings from my dad's silver coins. I bugged my mom so she could lend me the rings so I could take a picture of it. My mom has already kept the original ring she wore because it no loger fits her. So thankful to have nice and great family, no matter how I bug them, they're still very supportive!}

Ang imaheng ito ay kinunan gamit ang aking Sony Ericsson K800i cell phone.

{I took this image using my Sony Ericsson K800i cell phone.}

*** Jenn ***