Gusali (Building)

Ang aking lahok para sa linggong ito ay hindi dapat ang litratong ito. Una kong ninais na ilahok ang gusali ng Post Office sa Lawton sapagkat iyon ang aking pinaka-paboritong gusali, ngunit iyon ang ilalahok ng aking bunsong kapatid. Sunod kong naisip ang gusali ng Unibersidad ng Santo Tomas dahil doon nag-kolehiyo ang aking ama at isang ma-dramang pagkakataon para sa akin ang mapasok ang unibersidad sa unang pagkakataon nito lamang Marso, ngunit iyon ang inilahok ng aking kuya, kaya naghanap na lang ako ng iba.

{My entry for this week wasn't supposed to be this picture. I first thought of posting my picture of the Post Office Building in Lawton because it's my most favorite building, but it was my sister's entry to LP. Then, I thought of posting a picture of the University of Santo Tomas because it was where my late father studied college and it was a dramatic moment for me to set foot in the university just last March, but my brother posted that as well, so I had to find a different picture.}




Kuha ito noong ika-6 ng Marso 2009, sa ika-22 palapag ng Richmonde Hotel sa Ortigas. Hindi kagandahang litrato ngunit isa sa mga maituturing kong importanteng litrato sapagkat hindi ko inaasahang makapapasok ako sa Richmonde Hotel, at malamang hindi na ako makapapasok muli ng gusali.

{This was shot last 06 March 2009, on the 22nd floor of the Richmonde Hotel in Ortigas. Not a good shot, but I consider this as one of my important pictures because never have I thought I'd enter Richmonde Hotel, and come to think of it, this might be the first and the last time I'd enter the building.}

Mahirap kumuha ng litrato sa may bintana - dahil nakikita ang repleksyon ng camera o kaya naman ang kurtina ng kwarto. Pero kahit na, ang makita ang parte ng Ortigas sa ganitong lugar ay sapat na upang ako ay maging masaya.

{It was difficult to take pictures from the glass window because the reflections of the camera, the curtain, and the photographer can be seen! But, seeing a part of Ortigas in this perspective is enough for me to be happy.}

*** Jenn ***